Viser innlegg med etiketten Dokkekle. Vis alle innlegg
Viser innlegg med etiketten Dokkekle. Vis alle innlegg

søndag 5. april 2015

Dokkesengetøy

Pute og teppe slik at dokka ikkje
skal fryse. Og om ho har sensitiv
hud og reagerar på ull, er det ikkje
noko problem! Dette settet er nemleg
strikka i eit aldeles fabelaktig akrylgarn
som eg har hatt i restegarnet så lenge
eg kan hugse. Magebåndet vart sist
sett ein gong på 80-talet, så kva slags
merke det er kan eg ikkje sei sikkert.
 
 Avanserte blomsterbroderi
på både teppe og pute, og
heklekantar rundt.
You can put lipstick on a pig,
it is still a pig.
Det eg prøver å sei er at det hjelper
lite på pynte på ting som er sopass
syntetisk. Men viss du er av plastik
er du ikkje så nøye på det.
Sov godt, lille venn!!

torsdag 7. mars 2013

Frekk vårmote i svart og gull!!

Klemt inn mellom kvadratkilometer
med stoff i Tråkleguri sin sykrok,
finst det alt slags merkeleg garn! 
 
Dette svarte garnet med gulltrådar
trur eg er minst 30 år gammalt.
Eg hugsar at systra til Besta fekk
hekla sjal av det tidleg på åtti-tallet.
 
Det går jo ikkje an å kaste så stilige
ting som attpåtil har stor affeksjonsverdi!
(I know; eg er ein HAMSTER)
Det er naturlegvis ein hake at garnet er
så syntetisk at den einaste hudkontakten
eg kan tåle er den eg får når eg strikkar
av det. Vidare er det vel kanskje ikkje så
veeeldig anvendeleg, reint trendmessig...
 
Då er jo løysinga åpenbar;
Dokkekle!
Dokkehud er mindre sensitiv for
syntetiske materialer, og foreldra deira
tykkjer alt som glitrar er fint ;-)
 
 
 
Her er ein snasen, liten partyjakke
med tilhøyrande pannebånd.
Og her sparar me ikkje på juggelet!!
Eg hadde tilfeldigvis liggande nokre
store, flotte knappar i gull og svart
som ein nesten skulle tru er laga på
same (spinnville) fabrikk som garnet.
 
Lets party!!

søndag 17. februar 2013

Kva gjer ein når vinflaska er tom...?

Sikkert mykje artig ein kan finne
på, men blant anna kan ein bruke
vinkorken på enden av litt for korte
strikkepinnar, med litt for mange
maskar - for å unngå at maskane
ramlar av bakerst på pinnen.
 

Om det er nokon som lurer på
kva eg skal lage av dette flotte, svarte
garnet med gulltråd i, så kan eg avsløre
at det skal bli ein glamorøs dokkejakke.
Ikkje avklart kva dokke, foreløpig, så
interesserte kan melde seg ;-)
 
Ha ein strålande søndagskveld!

torsdag 7. februar 2013

Storebror gir dokkene ny garderobe!

Dokkene i barnehagen til storebror
ligg og nakne og stusselege, så no
har dei vaksne der begynt å strikke
litt kle. Ettersom storebror har lært
seg å sy på maskin, var han raskt
ute med å tilby sine tjenester.
 
Han har en herlig mangel på
begrensande tankar! Så eg måtte
prøve å realitetsorientere litt med
tanke på kva han kunne få til, samtidig
som eg ikkje har lyst til å ta frå han
trua og kreativiteten.
 
Er det ikkje herleg så lenge ein
er overbevist om at alt er muleg??
 
Og mykje er jo også muleg...
Gode triks er for eksempel å sy
i fleece. Det raknar ikkje, så det treng
ikkje kantast eller leggast opp.
 
Først ut er ei fleecelue i Mariusstoff.
Sydd i eit forstykke og eit bakstykke,
runda av på toppen. Dårleg forklaring?
Slik vart iallfall resultatet.
Fiiin!!
 
 
På ei snekkarbukse eg har sydd til
han før, hadde eg pynta med dekorsaum.
På maskina kan ein velge mellom mange
ulike motiv. Ein slik saum ville han
absolutt prøve. Difor måtte me nesten
lage eit skjørt i einsfarga bomullstoff
også. Der kjem dekoren godt fram.
Han valde stoff, trådfarge
- og ein flott epledekor!!
Eg bretta inn falden med strykejern
først, slik at han berre kunne sy den fast
med dekorsaumen. Skal ein gjere det
sjølv, så skal ein gjere det sjølv.
Men han måtte få pittelitt hjelp med
strikken; det er jo litt vanskeleg å
strekke samtidig som ein syr...
 
Sjå kor søt ho vart i det
nye skjørtet sitt :)
 
 
Fleeceskjørtet under er kanskje
lovleg kort, men pytt-sann.
Det er jo frykteleg gøy å SY!!
Så her her har storebror sjølv klipt
ut bitar i fleece som han har sydd
saman. Heilt supert å få fire saumar
istaden for ein!!
Også her måtte mor tre litt støttande
til med ribben i livet, men det skulle
berre mangle... Eg veit om folk som
har slutta i barnehagen - og som
fortsatt tykkjer det er litt vanskeleg :)
 
 
Så enkelt er det altså å fornye
garderoben med nokre nye lekre
gevantar!!
 
Berre å ta kontakt om ein ynsker
ein kreasjon frå husets nye
klesdesignar :)

mandag 7. november 2011

Lue og smetteskjerf

Ida-Frida fekk seg nytt skjerf i perlestrikk her for litt sidan.
I ein ubestemmeleg brunfarge,
som foreldra sjølve valde ut i restekorga.

Diverre har ikkje mamma (storebror) og pappa (lillebror)
lært å knyte endå, så det vart litt kaldt i halsen.

Løysinga vart å strikke eit smetteskjerf!
Denne gongen fekk eg avgrensa valalternativa
noko meir, og eg tykte med kom godt frå det med
dette lys lilla, mjuke og fine ullgarnet.

Broderte blomster i kvitt ullgarn.


Antrekket forøvrig er heilt tilfelding,
men eg må nesten nytte høvet til å skryte av den fine trusa.
Den sydde mi mormor til dokkene våre når me var små.
Eg meinar den hadde ein matchande kjole og.
Rundt kanten på beina er det ekte nuppereller.



fredag 2. september 2011

Strikket kjole med undertøy

Me har lenge hatt denne vesle snuppa i huset.
Men ho har vore gjenstand for lite merksemd.

Det var før storebror og lillebror vart kjend
med ei nydeleg lita babyniese
som kom til verden i april.

No er det plutseleg mykje babyleik.
Storebror er pappa og lillebror er mamma.


Og barnet har fått det klingande namnet
Ida-Frida.

Stakkars Ida-Frida har hatt ein svært
spartansk garderobe.
Det må me gjere noko med!!


Første antrekk ut er ein raud strikkekjole
med selar og blått mønster.
Matchande blå truse i perlestrikk
er god å ha når sommaren er på hell.
Og så raude sokkar av den siste garnstumpen.

Kva slags garn har eg ikkje peiling på.
Det er ullgarn frå det (antageleg)
utømmelege lageret av restegarn,
strikka på pinnar nr 2,5.