Cordskjørt i brunt og rosa, med store lommer

Skjørt i sjokoladebrun babycord,

og bomullstoff i rosa og brunt.

Eg har lenge tenkt på å lage eit skjørt

med slike panel (eller kva det no heiter,

når ein syr saman fleire utskrådde delar).

Fasongen vart ganske fin, og så hadde eg

ein ide om at det kunne bli fint å

gjere to av felta doble - til lommer.

Endeleg fekk eg gjort det!

Lommene går heilt ned til blondekanten.

Her er det plass til masse skattar,

for ikkje å snakke om pung med ispengar.

Slik ser baksida ut:

Linningen er i bomullstoff, med strikk

inni. På toppen er det ein liten

rynkekant til pynt.

Nærbilete av lommekanten og overgangen
mellom panelane. Men no ser eg at bileta
vart tekne før eg bestemte meg for å sy
stikningar i brunt på begge sider av
overgangen mellom panela.

Altså to vertikale, brune saumar.  

Det vart finare. Om eg hugsar det skal
eg legge ut eit oppdatert bilete seinare...

Passar til jenter
(eller andre som likar å bruke skjørt)

og som er ca 3-5 år.