Kjole til meg sjølv

I dag har eg faktisk rota meg til

å sy ein kjole til meg sjølv!

Det er jammen lenge sidan sist,

sjølv om planane er aldri så mange...

Denne er sydd i trykt jersey, svart med

mønster i naturkvitt. Stoffet hadde

den kvite mønsterborden i begge sider, og

prikkemønsteret på midten. Ettersom

stoffet var såpass "fast i fisken" tok

eg sjansen på å snu det med elastikken

motsatt veg av det ein vanlegvis har.

Dette fordi eg hadde lyst å få borda

i nedekanten på kjolen.

Me får sjå korleis det fungerar.

Om det ikkje blir vellykka, er det ingen

katastrofe. Kjolen er nemleg sydd av

stoffbit fra Stoff og Stil sin restekasse

til den nette sum av 76 kroner.

Eg brukte ikkje noko mønster. Det var

eit samarbeid mellom Petra prøvedokke

og heilfigurspegelen :)

Brukte den gode gamle "start-med-

litt-for-stor, og-sy-inn-litt-her-og-der-

til-den-passar-metoden". Vart ikkje så

verst fornøyd til slutt. For ein gong skuld

sit han faktisk bedre på meg enn på

prøvedokka. Det skuldast nok at den er

sydd akkurat etter mine mål, og eg

har litt meir enn Petra over alt...