Ugler har oppheva sytørken!!

 I sommar har me pussa opp,

og sykroken har vore lagringsplass for

alt som vanlegvis høyrer til i stove,

kjøkken og gang.

 

Men no byrjar me endeleg å komme

i orden, symaskinene dukkar fram

og eg er skikkeleg sysjuk!!!

 

Haustens første prosjekt er eit

skjørt med tilhøyrande veske.

Eg var litt usikker på størrelsen,

så eg testa på gutane mine.

Det visar seg at det passar til

gutar på både 3 og 4 år.

Og sikkert til jamaldrande jenter også.

 

Lillebror tykte det var heilt topp.

Svinga rundt med armane over

hovudet og høge kneløft, og ville slett

ikkje ta det av. Her poserar han

villig med veske og det heile :)

 

 

Veska er i auberginfarga babycord,

med hank og applikasjon i bomullstoff.

Pynta med lilla pompongar.

Den vart egentleg ganske fin i fargen,

men det var klin umuleg å få fram

fargane på bilete.

(eg burde nok tvangssendast på fotokurs...)

 

 

Linningen (med strikk) og kappa

er sydd i bomullstoff med ugler,

og det lilla feltet er same aubergin

babycord som i veska.

 

 

Etter labratorietestar torer eg å

påstå at det passar til folk i 3-4-årsalderen,

og at det er veldig fint å ha på når ein

skal snurredanse og "lage triks".